Indian Railway Site IRCTC Par Account Kaise Banaye?

indian-railHello Gyanians, Aaj ham bat karenge Indian Railway Site IRCTC Par Account Kaise Banaye? Hamare desh mai jyadatar log jab kahin ghoomane jate hai to train se hi jate hai or uske liye wo log pahale se hi IRCTC par online train ticket booking kar lete hai kyonki Railway station par line  me lag kar  ticket lena bahut mushkil hota hai.

Agar aap bhi IRCTC par  online train ticket booking karna chahate ho to aapke  paas IRCTC ki website par ek account hona  jaroori  hai  jiska use karke aap IRCTC par online train ticket booking kar sakte ho to aayiye aaj ham seekhate  hia ki Indian Railway Site IRCTC Par Account Kaise Banaye?

Indian Railway ki online train ticket booking karne ki website IRCTC par rojana lakhon ticket  book hoti  hai isliye is website par jyada traffic (users) hote hai isliye ise use karne  ke liye aapke  paas  achchhi speed  ka internet  connection hona chahiye or iske alava thode dherya rakhen. IRCTC par account banana ke liye aapke pass ek email account (gmail, yahoomail, hotmail) or mobile number hona jaroori hai.

 

Read: IRCTC Par Online Train Ticket Booking Kaise Karte Hai?

Read: Android Mobile Par Pictures Aur Videos Ko Kaise Hide Kare?

IRCTC Par Account Kaise Banaye Step by Step

1) IRCTC par account banana ke liye sabse pahale apne computer mai browser open Karen or fir address bar mai ye URL type karen: https://www.irctc.co.in

2) IRCTC ki website jab open ho jaayegi to aapko us par neeche diya gya form najar aayega. Ab aapko account create karne ke liye SignUp ke link par Click karna hai.

IRCTC-Par-Account-Kaise-Banaye

3) Ab aapke samane account create karne ke liye ek registration form aayega jisme aapko sahi-sahi details ko fill karna hai. Neeche maine form ko tukdon (parts) mai divide kar diya hai jisme mai aapko registration form ko sahi se fill karna bata sakun.

How-To-Create-New-Account-on-IRCTC-Registration-and-Signup

a) User ID field mai aapko apne liye ek unique ID (username) create karna hai. Aapki ID mai kam se kam 3 or jyada se jyada 10 character hona jaroori hai. ID ke liye aap sirf letters (a-z), numbers (0-9) aur underscore ( _ ) use kar sakte ho.

Chukin User ID unique honi chahiye isliye User ID type karne ke bad “Check Availability” ke link par click karke check kar len ki aapne jo User ID type ki hai wo available hai ya nahi. Yadi User ID available nahi hai to aapke ye message najar aayega “User Id already exists, Please choose a different User Name” yani aap apni type ki hui User ID mai kuchh badlab Karen or fir se koshis Karen. Yadi User ID available hai to aapko ye messaate najar aayega “User Id is Available, Please go ahead with the Registration Process” yani ab aap aage form fill Karen.

b) Password field mai aapko apne liye password create karna hai. Aapke password mai kam se kam 8 or jyada 15 (character) hona jaroori hai. Aapke password mai kam se kam ek-ek small, capital latters (a-z) or ek numbers (0-9) hona jaroori hai. Example:Gyanians9

c) Confirm Password field mai aapko same password type karna hai jo apne password field mai type kiya hai.

d) Security Question field se ap ek question select Karen jiska answer aapko Security Answer field mai type karna hai. Agar kabhi aap apna password bhool gaye to ye question or answer ke jariye aap use aasani se recover kar sakte hai.

e) Preferred Language field se aap apni language select karen.

indian-railways-create-new-account

f) Ab aap apne First Name, Middle Name, Last Name fields mai aap apna nam type Karen. Yahan Middle Name field optional hai yani aapka nam 3 shabdon ka hai to ise fill Karen nahi to sirf First Name or Last Name field mai naam type kar den.

g) Ab aap apna Gender, Marital Status, Date of Birth aur Occupation Select kar den. Iske bad diye gaye field Aadhaar Card No or PAN Card No ye dono hi optional hai aap chaho to ineh fill kar sakte hai ya ineh aese hi khali chhod den.

h) Ab aap Email field mai apni email id aur Mobile field mai apna mobile number type kar den. Jaise ki mai aapko pahale hi bata chukka hunk i IRCTC par account banana ke liye or online train ticket booking ke liye aapke pass email id or mobile number hona jaroori hai.

i) Ab aap apni Nationality select kar len.

create-account-in-indian-railway-online-booking

j) Ab aapko apna address type karna hai. jaise ki apna House No, Country, City, Pin Code, Near Post office aur phone number.

k) Ab aapko Captcha Letters type karne hai.

IRCTC-SIGN-UP-NEW-ACCOUNT

l) Ab aap yahan par IRCTC Subscription checkbox diye gaye hai mai aapko suggest karunga ki No option ko select kar den.

m) Ab Submit Registration Form Link par click kar den. Ab aapke samne 2 confirmation pop up aayenge jinhen aapko OK karna hai.

i-want-to-create-an-account-in-irctc

IRCTC-SIGN-UP-NEW-ACCOUNT-2

n) Ab aapke samaneIRCTCpar online train ticket booking karne ki aur account create karne ki Terms and condition ki pop up aayegi ab aap. I Agree Term and Condition button par click karna hai.

IRCTC-rules-in-hindi

o) Congratulations apne successfully registered kar liya hai lekin abhi aapko apna mobile number or email id ko verify karna hai iske liye aapko IRCTC website par login karna hoga.

irctc-account-sucessfully-created

4) Ab aap IRCTC ki website ko dubara se open kar leejiye or ab neeche diye gaye form mai apni User ID, Password or  Captcha type karke Login button par click kar len.

IRCTC-online-ticket-booking-login-form

5) Ab aapko Email and Email verification Process najar aa rha hoga. Sabse pahale Verify Mobile No with OTP link par click kar den. Ab aapke mobile par jo OTP aaya hai use type karke Submit the OTP code link par click kar den.

Ab aap Verify Email ID with OTP link par click kar den. Ab apna email account open kar len aapko ek Ticket Admin ke naam se email aaya hoga use open Karen or usme aaye OTP ko email verify field mai type karke Submit the OTP code link par click kar den.

IRCTC-account-verification

Congratulations ab aapke successfully apne account ko verify kar diya hai or ab aap  IRCTC ki website  par  jakar login kar sakte hai to is tarah se aap seekh  gye hai Indian Railway Site IRCTC Par Account Kaise Banaye or ab aap online train ticket booking kar sakte hai.

Hello Gyanians, main aasha karta hu ki aapko ye (Indian Railway Site IRCTC Par Account Kaise Banaye) post pasand aayi hogi. Agr aapko is post se related koi saval ya sughav dena hai to neeche comment karen or is post ko apne doston ke sath jaroor share karen taki apke dost bhi yah seekh paye ki Indian Railway Site IRCTC Par Account Kaise Banaye?

You May Also Like

About the Author: Aman Singh Tomar

Hello Gyanians mera naam Aman Singh Tomar hai. main Agra City me rahta hu. Main MCA ka student hu. By Profession main web developer hu. main part time blogging bhi karta hu.

Leave a Reply

Your email address will not be published. Required fields are marked *