gyaniansinfo@gmail.com
Follow on

Sukanya Samriddhi Yojana Account ki Full Detail In Hindi

Hello Gyanians, Aaj hum bat karenge Sukanya Samriddhi Yojana ke bare main or janege ki Sukanya Samriddhi Yojana Kya Hai, Sukanya Samriddhi Yojana ka account kaise khulta hai, Sukanya Samriddhi Yojana ka account khulwane ke liye kaun kaun se documents ki requirement hoti hai Sukanya Samriddhi Yojana ka kya fayada hai, Sukanya Samriddhi Yojana ke kya kya rules hai in sab bato ke bare me janege.

Doston aaj ke time me hamare desh me betiyon ko badi hi chinntaon ke najar se dekha jata hai jiske ghar me beti ka janam hota hai us ghar ke guardian ki chinntaye or bhi bad jati hai. Jiase beti ke career ke bare me, beti ke padai ke bare me yhan tak ki beti ke janam lete he uski shadi tak ka plan sochne lagte hai.

Doston ek sach ye bhi hai ki hamare desh india me beti ko janam se pahle he mar diya jata hai. Ye problem hamare desh me bahut badi problem hai. yah problem hamari sarkar ke liye chinnta ka wishay bani hui hai or isi bajah se hamari Indian government ne is problem ke liye kai jaroori kadam bhi udaye hai. Sukanya Samriddhi Yojana bhi unhi kadmo me se ek kadam hai.

Iski help se hamari  sarkar  ne beti  ke  pita ke liye bahut se chintaye kam kar di hai jisse  ki koi bhi vyakti beti ko janam dene se pahle na mare unhe  poora janam de or beti ke janam hone ke bad sari govt. yojana ka labh le jaise ki batik ko padane ke liye pese diye jayenge uski sadi ke liye kuch pese diye jayege jisse ki beti kisi ko boj na lage.

Sukanya Samriddhi Yojana Kya Hai

Ye ek Small deposit Scheme hai jise indian govt. ne Beti Bachao, Beti Padao ko chalate hue shuru ki hai is deposit scheme me govt. aapko 9% ke dar se byaj de jati hai or  sath  me aapko koi income tax bhi nahi liya jata hai.

Sukanya Samriddhi Yojana ka account aap 10 saal se kam age ki apni beti ka khol sakte hai. Yah ek long term scheme hai jisme aap 15 saal tak bachat rashee jama kar sakte hai. Isme jab aapki beti 21 saal tak ya fir beti ke saadi takhi jari rahega.

Is yojana me kam se kam 8 saal ka LOCK-IN-PERIOD hia ya fir aap beti ke 18 saal ke ho jane par 50%  income beti hi nikal sakte hai. Is yojna me minimum 1000 rupee or maximum 1,50,000 rupee tak jama kar sakte hai.

Sukanya Samriddhi Yojana ke account me deposit ki gay raashi Income Tax ki dhara 80C me chhoot prapt hai or is income me interest ya maturity amount par bhi tax nahi lagta hai.

Sukanya Samriddhi Yojana Me Beti Ki Umra Kitani Honi Chahiye

Iss Sukanya Samriddhi Yojana ke account ki age limit beti ke janam ke 10 saal tak ki age me ye account khola ja sakta hai. Jab tak beti ke mata pita ya other kanooni guardian khate ki dekh rekh sakte hai. 10 saal ki umra ke bad beti khud hi apne khate ke liye uttaradaayee (responsible)banegi.

Beti ke maata pita ya other kanooni depositor yojna ke help se jyada se jyada 2 accounts khol sakta hai. Agar maata ke first childbirth ke time ek beti hai or second childbirth ke time me yadi do judwaa betiyon ka janam hota hai tab we yojna ke tahat teesra account bhi khol sakte hai lekin beti ke maata pita ko medical certificate dena hoga.

Sukanya Samriddhi Yojana Ke Rules In Hindi

  • Iss Sukanya Samriddhi Yojana ke antargat beti ke naam se ek saal me 1000 se lekar 1,50,000 rupee tak jama kar sakta hai.
  • Sukanya Samriddhi Yojana ke antargat beti ke 18 saal ke hone par aap 50% pese nikalwa sakte ho.
  • Is pese ko bank account khulne ke 14 saal tak he jama karwana hoga or yah khata beti ke 21 saal ke hone par hi mature hoga.
  • 21 saal ke bad ye account band ho jata hai or ye paisa beti palne wale ko mil jata hai. Agar beti ki shaadi 18 se 21 saal ke beech me ho jati hai to ye khata usi time band ho jayega.
  • Agar aapka paisa time par jama na ho to aap par sirf 50 rupaye ki penalty lagayi jayegi.
  • Government ya private bank ke alawa post office me bhi is yojna ke tahat account khole ja rhe hai.
  • Sukanya Samriddhi Yojana ke antargat account par kanoon ki dhara 80C ke tahat chhoot de jati hai.
  • Beti ko palne wala sirf 2 acconts he khol sakta hai agar judwaa beeti hui hai or teesra Sukanya Samriddhi Yojana accounts kholne ke liye medical certificate dekar khola ja sakta hai. Palak is account ko kahi bhi transfer kra sakta hai.

Sukanya Samriddhi Yojana Account Ke Liye Required Document

Doston agar aapki beti hai to aap bhi is yojana ke antargat account open karwa sakte. Iske liye aapke paas kuch required document hone chayiye or fir aap apne paas ke post office ya kisi bhi bank me leke jane honge.

  • Account khulwane ka form
  • Beti ke janam ka certificate
  • Depositor identity proof jaise ki PAN card, aadhar card, driving licence, passport etc.
  • Depositor address proof
  • Passport size photo

Advantages of Sukanya Samriddhi Yojana

  • Doston Sukanya Samriddhi Yojana ke account ko kholne me bahut hi aasaani hoti hai yah khata  bina kisi bhi pareshani ke beti ke mata-pita ya kanooni abhibhawak ki help se khola ja sakta hai. Account kholne ka process bahut he essay hai.
  • Sukanya Samriddhi Yojana main account kholne ke liye kam se kam amount 1000 rupay nirdharit kiye gaye hai jisme abhibhawak sarlta se account khulwa sakta hai or har ek saal me jama karne ke minimum amount 1000 rupee fix kiya gya hai.
  • Sukanya Samriddhi Yojana me highest interest dar fix ki gayi hai. Jisse khatadharak profit me ho sake.
  • Sukanya Samriddhi Yojana ke Khatadharak kisi bhi tarah se amount jama kar sakta hai jaise cash in hand, cheque, dimand draft, online etc.
  • Beti khud fesla le sakti hai ki uska account kaun operate karega jabtak ki vah 10 saal ke nahi ho jati. 10 saal ke bad beti khud hi apna account operate kar sakti hai.
  • Income tax act ki dhara 80C ke tahat is yojna ko poori tarah se tax free kar diya gya hai. Jama karne wale ki income or jama karne par bhi tax free hai.
  • Ham Sukanya Samriddhi Yojana ke account ko ek jagah se doosri jagah bhi transfer kra sakte hai.
  • Sukanya Samriddhi Yojana ke mutabik jama kiya gya amount sirf beti ko hi diya jayega jiske naam se account khola gya hai. Jisse ye tah ho jayega ki pesa beti ke duaara hi use kiya gya hai. Jab beti 18 saal ki ho to wah jaroorat padne par apni education ya shaadi ke liye 50% amount nikal sakti hai.

Sukanya Samriddhi Yojana ke Authorized Banks

  • State Bank of India
  • Bank of Baroda
  • Axis Bank
  • Indian Overseas Bank
  • Indian Bank
  • IDBI Bank
  • Oriental Bank of Commerce
  • Punjab & Sind Bank
  • Union Bank of India
  • UCO Bank
  • Vijaya Bank
  • Allahabad Bank
  • Andhra Bank
  • Bank of India
  • Syndicate Bank
  • United Bank of India
  • Punjab National Bank
  • ICICI Bank Bank
  • Canara Bank
  • Central Bank of India
  • Dena Bank
  • Corporation Bank

Sukanya Samriddhi Yojana Calculator Chart

Doston aapko neeche image me bataya gya hai ki aap every year kitne pese jama karte hai to appko 21 saal me Sukanya Samriddhi Yojana ke account ke tahat kitne pese mil sakte hai:-

Sukanya-Samridhhi-Account

Hello Gyanians, main aasha karta hu ki aapko ye (Sukanya Samriddhi Yojana Account ki Full Detail In Hindi) post pasand aayi hogi. Agr aapko is post se related koi saval ya sughav dena hai to neeche comment karen or is post ko apne doston ke sath jaroor share karen taki apke dost bhi yah jaan paye ki Sukanya Samriddhi Yojana Account kya Hai.

Related Post

About the Author

Hello Gyanians mera naam Aman Singh Tomar hai. main Agra City me rahta hu. Main MCA ka student hu. By Profession main web developer hu. main part time blogging bhi karta hu. Read More >>

0 Comments

Leave a Reply

Your email address will not be published. Required fields are marked *

Get In Touch
gyanianskagyan@gmail.com
Copyright 2018 By Gyanians (All Right Reserved) | Design & Developed By WebAtoZ.in