gyaniansinfo@gmail.com
Follow on

Sardar Bhagat Singh Ki Puri Jankari Hindi Me

Hello gyanians, Aaj hum bat karege ek aise swatantrata senani ke bare jo sahi se javan (Adult) bhi nhi hua tha,  Aur desh ke liye shaheed ho gya ji ha doston mai bat kar rha hu Sardar Bhagat Singh ki . Sardar Bhagat singh ka janm 27 September  1907 ko Punjab ke Bngga gawn me hua tha jo ab Pakisthan ka part hai.

sardar singh

Sardar Bhagat singh ke pita ji naam Sardar Kishan Singh aur mata ji naam Vidhyavati Kaur tha. Sardar Bhagat Singh ke panch(five)bhai Ranveer singh, Kultar singh, Rajinder singh, Kulveer singh, Jagat singh aur teen(three) bahne (sister)Prakash Kaur, Amar Kaur aur shakuntla Kaur thi.

Sardar Bhagat singh ki thinking skill bahut hi acchi thi,  Wo kaha karte the ki hume apni power ka use galat tarike se nhi karna chahyie,  Agar hum aisa karte hai to bo logo ke liye ek hinsha(violence) ka roop ban jayega. Jo ki hamare samaj ke liye ke bilkul bhi accha nhi hoga .

Sardar Bhagat Singh Ka Bachpan(Childhood):-

Sardar Bhagat Singh ka janm ek sikh family me hua aur jis din Bhagat singh ka janm hua usi din inke pita ji aur chacha ji ko jail se riha(chhoda) gya tha, Jo ki British government ke against me hone ki bajay se jail ke andar the. Bhagat singh ko unki Dadi ji unhe BHAGO ke naam se bulaya karti thi, Bhago ka matlab hota hai Bade bhagya bala.

Doston Sardar Bhagat Singh ki padai aur sikh bachcho ki tarh khalsa High School me nhi hui, Kyuki Bhagat Singh ke Dada ji unhe British government ki sikhsha nhi dena chahte isliye unhe Dayanand Vaidik High School me padaya gya. Jo ek Aarya samaj ki hi sanstha(Organization) thi.

Doston Bhagat Singh bachpan me khel bhi ajeeb se khela karte the apne doston ko do group me divide karte the aur unpar one by one attack kiya karte the. Bhagat Singh ke har kam me unka sahas (courage) dikhai deta tha.

Doston Bhagat Singh ko bachpan si hi desh se pyar tha aur wo desh ko aajad karana chahte the. Bhagat Singh ke Dada ji se lekar unke pita ji aur Chacha ji bhi desh ko aajad karane ke liye kai bar jail bhi gye the yaha tak ki unke chacha ji ko Iran tak jana pada tha.

Read: Dr. A. P. J. Abdul Kalam Ki Puri Jankari Hindi Me

Read: Facebook Founder Mark Zuckerberg Success Story In Hindi

Sardar Bhagat Singh Ka Krantikari Jivan:-

Doston Sardar Bhagat Singh bachpan se hi ek sachche desh bhagt the, Jo har waqt desh ko aajad karane ki liye socha karte the aur kaha karte the ki bo ek din Bharat Mata ko British government se jarur aajad karayege.

Doston 1919 me jab Jaliyaawala Bagh hatya kand hua tha us time Sardar Bhagat Singh ki age kebal 12 years thi. Us time Bhagat Singh 12 meel paidal chal kar Jaliyaawala Bagh me us ghatna ko dekhne gye the. Aur jab 1922 me chauri chaura hatya kand hua to Bhagat Singh se raha nhi gya aur unhone 15 ki age me yuva krantikari aandolan me hissa liya aur us ke Sardar bhi bane .

sardar bhagat singh

Sardar Bhagat Singh ne apni school ki padai khatm karke Lahore ke National college me BA me admission liye aur waha par unki mulakat Sukhdev , Rajguru aur Bhagavati charan se hui. Us time desh me aajadi ki ladai bahut joro par thi aur Bhagat Singh to bachpan se hi desh ko aajad karana chahte the, Aur jaisa bo chah rhe the thik baisa hi ho rha tha isliye unhone apni college ko chhod kar Tan, Man, Dhan, se desh ko aajad karane me lag pade.

Doston jab Bhagat Singh apna sab kuch chhod kar desh ko har kimat par aajad dekhna chahte the, Usi waqt unke ghar wale unhe dulha bante dekhna chahte the . Jaise hi Bhagat Singh ko unki sadi ke bare me pata chala to unhone bina soche samaje sadi ke liye mna kar diya aur kaha ki aajadi se pahle agar unhone sadi ki to maut hi unki dulhan hogi. Is bat ko sunkar ghar walo ne Bhagat Singh ko sadi ke liye force karna band kar diya tha.

Doston uske baad Sardar Bhagat Singh ne kuch yuvao ko ek sath milakar ek krantikari abhiyan banaya jiska kebal ek mission tha British government ko puri tarh se khatm karna. Aur bo jaisa chahte the thik baisa hi  15 Aug. 1947 me hua British government ko desh chhod kar jana pada aur hum puri tarh se aajad hue.

Sardar Bhagat Singh Ki Fassi:-

National College me Bhagat Singh, Sukhdev aur Rajguru aapas me mil chuke the aur wo bad me Chandra Shekhar Aajad se mile aur un sab logo ne milkar ek plan banaya tha ki British government ko bapas bhejne ke liye kuch naya karna padega .

sardar bhagat singh

8 April 1929 ko Bhagat Singh aur unke sathiyoon ne milkar Delhi ki Assembly me bomb fenke,  Actually doston unka bomb fenke ka maksad kisi ki jaan lena nhi tha. Isliye bomb khali jagh par fenke gye the tak ki kisi ki jaan-mal ka nukshan na ho. Bomb fenke ka keval ek hi matlab tha, Bo tha British government ko gahri need se jagana jo har waqt kebal apni hi fayada ke bare me sochte the. Bomb fenke bad Bhagat Singh aur unke sathi wahi par arrest bhi hue unkar chahre par bilkul bhi udasi nhi thi balki bo to Inkalaab jindabad ke naare laga rhe the.

Sardar Bhagat Singh aur unke sathiyoon ne lag-bhag 2 saal ki saja ke bad unhe 23 March 1931 ki sham 7:30 par fassi de di gyi thi. Fassi ke din Bhagat Singh ki age kebal 23 saal 5 month aur 23 din thi.

Sardar Bhagat Singh Ki Life Ke Kuch Facts:-

  • Sardar Bhagat Singh janm 27 Sep.1907 ko Punjab ke bang gawn me hua tha.
  • Bhagat Singh ke pita ji naam Kishan Singh aur Mata ji naam Vidhyavati tha.
  • Sardar Bhagat Singh ne D. A. V. college se 9th kiya tha.
  • Bhagat singh 14 saal ki age se hi Punjab ki krantikari sansthaon me kaam karne lage the.
  • Doston Bhagat Singh kaha karte the ki unka janm kisi shresht kam ko karne ke liye hi hua hai. Aur wo shresht kaam desh ko aajad karana hi tha.
  • Bhagat Singh bahut acche write aur speaker bhi the bo Amrtasar me bikne wale urdu aur Punjabi newspaper ke liye likha karte the, Aur uske founder bhi the. Bhagat Singh ka likhna yahi tak hi seemit nhi tha bo Keerti Kishan party ke newapaper Keerti ke liye bhi likhte the aur uske sath-sath bo Delhi me prakashit hone wale Arjun newapaper ke liye bhi likhte the.
  • Bhagat Singh jail me lenin ki jivani pada karte the, Aur apni fassi ke din tak bo lenin ki jivani hi pad rahe the .
  • Doston Bhagat Singh bahut hi respected person the ye bat aur us din proof ho gyi jab Bhagat Singh se jail me milne unki Ma aur family members aye hue the, Us din Bhagat Singh ne apni Ma se bola tha ki aap mera shav (dead body) lene mat aana kulveer ko bhej dena , Kahi aisa na ho ki aap mera mara sharer dekh kar rone lage to log kahege ki dekho Sardar Bhagat Singh ki Ma ro rhi hai.
  • Doston British government is bat se na khus thi ki Bhagat Singh aur unke sathi fassi ke din tak bhi bo bilkul bhi udas nhi hue aur bo haste- haste fassi par chad gye.
  • Doston aisa kahte hai ki Bhagat Singh ko ek din pahle fassi de di gyi thi, Unki fassi ki date 24 March thi lekin unhe 23 March ki sham ko hi fassi de di gyi thi.

 

Sardar Bhagat Singh Ke Vichar(Thought):-

  1. Doston Bhagat Singh aksar kaha karte the ki agar jindgi jini hai to apne dam par jio dusaro ke kandho par to sirf janaje udhaye jate hai.
  2. Bhagat Singh kahte the ki agar sunane wala bahra(deaf)hai to aapki aabaj me dam hona jaruri hai.
  3. Bhagat Singh jab jail me the tab kaha karte the ki, Rakh ka har ek kan meri garmi se gatiman hai Mai ek aisa pagal hu jo jail me bhi aajad hai.
  4. Wo kahte the ki Prami, Pagal aur Kavi ek hi cheej se bante hai.
  5. Bhagat Singh kahte the ki Krantikari Vicharo ke liye ek swastrant bhavna ka hona bahut jaruri hai.

 

Hello gyanians, Mai aasha karta hu ki aapko meri ye “Sardar Bhagat Singh” Post jarur pasand aayi hogi. Agar aapka koi sawal ya suggestion hai to niche comment kare, Aur aapne doston ke sath jarur share kare.

About the Author

Hello Gyanians, Mera naam Vikram Thakur hai main kannauj City ka rahne wala hu, Mujhe nayi nayi cheeje seekhana or sikhaana pasand hai. Isliye mainne blog start kiya hai agar aap ko bhi nayi cheeje seekhna accha lagta hai to aap mere blog par visit kar sakte hai. Read More >>

10 Comments

10 responses to “Sardar Bhagat Singh Ki Puri Jankari Hindi Me”

  1. Harendra rana says:

    Super

  2. Sparsh katiyar says:

    #Amzing…
    Thakur

  3. Aryan thakur says:

    Sahi hai boss

  4. Pankaj says:

    Super and duper

  5. विराट says:

    बहुत बढ़िया विक्रम भाई

Leave a Reply

Your email address will not be published. Required fields are marked *

Get In Touch
gyanianskagyan@gmail.com
Copyright 2018 By Gyanians (All Right Reserved) | Design & Developed By WebAtoZ.in