gyaniansinfo@gmail.com
Follow on

Rani Padmavati – Ke Zohar Ki Sachchi Kahani

Hello gyanians, Aaj hum janege Rajasthan ke Chittodgarh ki us khubsurat naari ke bare me jo kebal khubsurat hi nhi balki jisne apne maan-sammaan ke liye aapne aapko aag me jala diya lekin apne jameer ko kisi ke aage jhukne na diya, Ji ha doston mai bat kar rha hu Rani Padmavati ke bare me.

Doston hum log jab bhi Indian history ke bare me janne ki koshish karte hai tab usme Rajasthan ka naam jarur aata hai. Rajasthan apne aap me ek bahut hi khubsurat jagh hai, Aur isse bhi jada khubsurat hai yaha ke Rajputon ki kahaniya.  Doston Rajasthan ko kebal yaha ke kilon ke liye hi nhi jana jata hai balki ise yaha ki Rani Padmavati ke liye bhi jana jata hai.

Doston hum mai se aise bahut se log jo aksar Rajasthan ka ithas (history) padte rahte hai lekin bahuto ko to shi ithas pta tak nhi hai. Aise log aksar kam jankar apne tarike se ithas ko twist kar ke dikhane ki kosis karte hai. Ye post aapke liye aur un logo ke liye jo Rani Padmavati ke bare shi ithas janane ki iccha rakhte hai.

Doston is post me Rani Padmavati ke bachpan se lekar Raja Rawal Ratan Singh se shadi,  Chittodgarh par Alauddin Khilji ka attack karna aur Rani Padmavati ka jauhar(Suicide) karna ye sari cheeje janege.

rani-padmini

Rani Padmavati Ka Bachpan:-

Doston Rani Padmavati ka janm Sinhal prant (state) me hua tha, Inke Pita ji naam Gandharvasen aur Mata ji naam Champawati tha. Us time Raja Gandharvasen sinhal prant ke raja hua karte the.

Doston Rani Padmavati bachpan se hi bahut khubsurat thi, Aur apne pita Gandharvasen ki bahut ladli thi. Rani Padmavati ke pas ek bolne wala Tota (Parriot) Hiramani hua karta tha.

rani padamavati

Doston Rani Padmavati ko Rani Padmini ke naam se bhi jana jata hai, Rani Padmavati jada tar time apne Tote Hiramani ke saath bitaya karti thi.

Naam :- Rani Padmavati (Padmini)

Pita ji naam :- Raja Gandharvasen

Mata ji naam :- RaniChampawati

Janm Sathan (place):- Sinhal prant (Aisa kaha jata hai ki ab Sri-lanka me hai).

Read:Dr. A. P. J. Abdul Kalam Ki Puri Jankari Hindi Me

Read:Sardar Bhagat Singh Ki Puri Jankari Hindi Me

Rani Padmavati Ka Raja Rawal Ratan Singh se Vivah (Marriage):-

Doston jaisa ki maine aapko upar bataya ki Rani Padmavati (Padmini) bachpan se hi bahut sundar thi. Sayad yahi karan (reason) tha ki unke pita Raja Gandharvasen ne unka Vivah swayamvar rakha aur kai sare Rajput Rajaon ko aamantrit (invite) kiya.

Rani Padmavati ke swayamvar me bahut sare Rajput Raja aaye jinme Chittodgarh se Raja Rawal Ratan Singh aur ek chhote rajya ke Raja Malikhan Singh bhi gye the.

rani-padmavati

Raja Rawal Ratan Singh ne Vivah Swayamvar me Raja Malikhan Singh ko parajit karke Rani Padmavati (Padmini) se Vivah kiya aur unhe apne rajya chittodgarh le aaye.

Chittodgarh me Raja Ratan Singh ki pahle se hi ek rani thi jinka naam Naagmati tha. Aisa kahte hai ki pahle raja log ek se jada sadi kiya karte the jisse ki unka rajya jada dino tak chal ske. Jab Rani Padmavati Chittodgarh pahuchi to unka swagat bahut hi dhoom-dhaam se kiya gya.

Raja Ratan Singh Ka Rajya Paat:-

Raja Rawal Ratan Singh Rani Padmavati (Padmini) se vivah karke Chittodgarh bapas aa gye the. Aur apna rajya paat bahut acchi tarh se chala rhe the, Raja Rawal Ratan Singh ek veer yodhaa hone ke sath-sath unhe kla (art) me bhi bahut ruchi(pasand) thi.

Raja Ratan Singh ke darvar me kafi intelligent log rha karte the unme se ek sangeet kar (musician) Raghav Chetan bhi the. Aisa kaha jata hai ki Raghav Chetan jadu (magic) bhi jante the, Jiska use bo yudh (ladai) me aapne dusmano ke samne kiya karte the.

Jab Raja Ratan Singh ko iske bare me pta chala tab unhone Raghav Chetan ko Chittodgarh rajya se bahar kar diya. Tabhi Raghav Chetan ne Raja Ratan Singh se badla ki kasam khali aur kisi bhi hd tak jane ke liye taiyar ho gye.

 Allauddin Khilji Ka Chittodgarh Par Attack :-

Idar 12th aur 13th sdi (centuary) me Delhi sultanat par Allauddin Khilji ka raj tha. Allauddin Khilji Chittogarh rajya par kabja karna chahta tha is maksath khilji ne Chittodgarh par kai bar attack kiya lekin bo na kam rha.

Jab Raja Ratan Singh ne Raghav Chetan ko Chittodgarh se nikalba diya tab usne yah soch kar Allauddin Khilji se hath milaya ki Allauddin Khilji ki help se bo Ratan Singh se apna badla le lega.

Aur jab usne Allauddin Khilji ko Rani Padmavati ki sundarta ke bare bataya. Rani Padmavati (Padmini)  ki sundarta ko sunkar Khilji Rani Padmavati ko man hi man me chahne lga.

Uske bad Allauddin Khilji ne Padmavati ko pane ke liye Chittodgarh kile (fort) ka gherav suru kar diya aur kareev 6 month tak Mewar me dera dale rha hai. Ant me usne socha ki bo Padmavati ko is tarh se na to pa skta hai na hi use dekh skta hai. Tabhi usne Raja Ratan Singh ko ek sandesh bhij bhaya ki Rani Padmavati (Padmini) ko bs ek bar shishe (Mirror) me dikha do uske bad bo Chittodgarh chhod kar chala jayega.

Jab Raja Ratan Singh ko yah sandesh milta hai ki khijli Rani Padmavati ko shishe me dekhna chahta hai,  Aur uske bad bo Chittodgarh ke kile ko hamesha-hamesha ke liye chhod kar chala jayega. Is bat ko Raja Ratan jada gambhirta se nhi lete hai aur Rani Padmini ko shishe me dikhane ke liye taiyar ho jate hai.(Kyuki Raja Ratan singh aisa sochte the ki itni chhoti si bat ke liye ladai karna aur apne shainiko ko ladana shi nhi hoga).

Idar Rajput senapti Gora aur Badal ko jab yah bat pata chalti hai ki Rani Padmini ko shishe me dikhaya jayega. Tabhi Gora Raja Ratan Singh se mafi magta hua kahta hai ki yah galat hai Rani Padmini ko hum is tarah shishe me kisi videshi aadmi ko kaise dikha skte hai. Raja Ratan Singh Gora ki is bat ko sunkar naraj ho jate hai aur use kila chhodne ko kah dete hai, Gora apne bhatije Badal singh ko sath me lekar kila chhod chala jata hai. Gora ke sath me aur bhi yudha kile ko chhod kar chale jate hai.

Idar Chittod ke kile me Allauddin Khilji ka swagat hota hai aur Rani Padmini ko shishe (mirror) me dhikaya jata hai. Rani Padmini ko dhekhane ke bad jab Allauddin Khilji kile se ja rha hota hai, Us samay (time ) Bhartiye paddati (custom) ke anusar Raja Rawal Ratan Singh Khilji ko bahar darbaje tak chhodne jate hai aur usi time Khilji Raja Ratan singh ko dhokha de kar bandi bna leta hai aur unhe Delhi le jata hai.

Delhi ke kile se Allauddin Khilji Chittod ke kile me yah sandesh bhij bata hai ki agar Rani Padmini ko 10 din ke bhitar Delhi na bheja gya to bo Raja Ratan Singh ka shir (head) kat ke Chittod ke kile me bhej dega. Jab yah sandesh Rani Padmavati ko milta hai,  Tab wo Gora aur Badal ko dhoondne ke liye Chittod ke junglon me jati hai aur wahan unhe Gora ek ped ke niche roti banate hue mil jate hai. Rani Padmini Gora ko khilji ka sandesh sunati hai aur unhe manakar Chittod ke kile me bapas le aati hai.

Gora Padmini ko vishwas dilata ki bo Raja Rawal Ratan Singh ko bapas le kar aayega. Idar Gora 700 dolilyan taiyar karata hai aur Allauddin Khilji ko yah sandesh bhij bata hai ki Rani Padmavati (Padmini) 700 sakhiyon  ke sath Delhi aa rhi hai. Yah bat sunkar Khilji bahut khus ho jata hai aur idar doliyan bhi Khilji ke mehal me pahuch jati hai.

Jabhi Gora Khilji ko ek sandesh bhij bate hai ki Rani Padmini Raja Rawal Ratan Singh se aakhiri bar milna chahti hai. Yah sandesh sunakar Allauddin Khilji milne ka aadesh de deta hai,  Tabhi Padmini ke roop me Gora ke sath ek loohar Raja Ratan Singh ke pas jata hai aur badi chalaki se unki bedhiyan kat deta hai. Aur Gora Ratan Singh ko Khilji ke mehal se mehfoos bahar nikal kar Chhittodgarh bhej deta hai.

Idar Khilji ki puri sena udhar Gora aur Badal aur 700 doliyon me aaye hue bo veer sainiko ke beech me ek ghamasan yudh hota hai jisme Gora, Badal aur bo 700 doliyon me aaye hue sainik shahid ho jate hai. lekin Raja Raja Rawal Ratan Singh Chittod ke kile me swarchhit (mehfoos) pahuch jate hai.

Tabhi Allauddin Khilji apni puri sena lekar Chittod ke kile par attack kar deta hai. Rajput, Sainiko me kam hone ki bajah se Khilji ki sena se harne lagte hai. Tabhi Rani Padmavati yah sochti hai ki kahi aisa na ho ki Khilji unhe apne sath Delhi le jaye, Apna maan-samman aur jameer ko jinda rakhne ke liye 16000 aaurton ke sath Rani Padmavati kile ke andar jauhar (suicide) kar leti hai.

Idar sare Rajput Khilji ki sena se ladte-ladte shahid ho jate hai. Tab Allauddin Khilji is khushi se Chittod ke kile me pravesh (enter) karta hai ki ab bo Rani Padmavati ko apna bana lega. Lekin jaise hi bo kile me pravesh karta hai use raakh ke sivaye aur waha kuch bhi nhi dikh rha tha.

Read:CCC Computer Course Kya Hai – CCC Ki Puri Jankari Hindi Me

Read:Dhara 370 Kya Hai Puri Jankari Hindi Me

Read:Number System In Maths

Is Kahani Ke Kuch Facts:-

  • Raja Rawal Ratan Singh ke pita ji naam Raja Samar Singh
  • Rani Padmavati ko Rani Padmini ke naam se bhi jana jata hai.
  • Rani Padmavati ki sundarta kebal Chittodgarh tak hi nhi balki puri duniya me famous thi.
  • Gora Raja Ratan Singh ki sena ke mukhy senapti the.
  • Badal Singh Gora ka bhatija(Badal singh ke mata-pita bachpan me hi khtm ho gye the.)
  • Jab Gora Raja Ratan Singh ko khilji se aajad karane gye the tab unki umar (age) 80 saal (year) thi.
  • Aur Badal Singh kebal 14 ya 15 saal ka tha.
  • Yudh ke dauran (time) jab Gora Allauddin Khiji ki sena se lad rhe the tabhi khilji ke senapti Jafar Mohmmad ne dhokha dekar Gora ka sir kat diya. Lekin us veer Rajput ne bina sir ke yudh kiya aur Jafar Mohmmad ko ek bar me hi cheer diya tha.

 

Hello gyanians, Asha karta hu ki aapko meri ye {Rani Padmavati} post jarur pasand aai hogi. Agar aapka is post se related koi sawal ya suggestion hai to niche comment kare aur apne dost ke sath jarur share kare.

About the Author

Hello Gyanians, Mera naam Vikram Thakur hai main kannauj City ka rahne wala hu, Mujhe nayi nayi cheeje seekhana or sikhaana pasand hai. Isliye mainne blog start kiya hai agar aap ko bhi nayi cheeje seekhna accha lagta hai to aap mere blog par visit kar sakte hai. Read More >>

11 Comments

11 responses to “Rani Padmavati – Ke Zohar Ki Sachchi Kahani”

  1. Aryan thakur says:

    Vikram sir ap ki is post ko padh kar Rani padmavati aur alluddin khilaji ke bare me meri ji confusion thi bo door ho gayi.
    Thank u so much sir……

  2. Hemant arora says:

    Good story

  3. Raj kumar says:

    Fiml dekhne se pahle kahani samne aa gai

  4. Wikihindi says:

    Bahut badhiya information about the great rani padmavati thanks

  5. Balram Upadhyay says:

    Great Sir ……Feeling happy ……

Leave a Reply

Your email address will not be published. Required fields are marked *

Get In Touch
gyanianskagyan@gmail.com
Copyright 2018 By Gyanians (All Right Reserved) | Design & Developed By WebAtoZ.in