O Level Course Syllabus Fees, Exam Ki Puri Jankari Hindi Me

O-Level-Course-Ki-Puri-Jankari-Hindi-MeHello Gyanians, Aaj hum baat karenge O Level Course ke Registration, fees, syllabus, exam, , practical, project, result, etc  ke  baare mein yani aaj main is post me O Level Course se related sabhi questions ke answer dunga jinko phad kar aapke O Level course ko lekar koi confussion nahi rahega.

Bahut se students O level course karna chahte hai lekin jab woh internet par O level course ke bare main search karte hai to unhe apne bahut se question ka answer nahi milta hai kyonki internet par kisi bhi sites par O level course ki koi jankari hi nahi di gayi hai.

Doston ishi wajah se bahut se students ko O level jaise ki O Level Course kya hai, O level kaise kare, O level ki Fees kya hai, O level k Syllabus me kya-kya aata hai, O level Course ka Exam, practical aur project  kis tarh se hota hai, etc.

Aaj main in sabhi Questions ke Answer ek-ek karke de dunga. Isliye is post ko step by step read Karen aur iske bad koi aapko Question hai to aap mujhe neeche comments main pooch sakte hain aur jitni jaldi possible ho sakta  hai main aapko us comments ka reply kar dunga.

O Level Course Kya Hai Aur O Level Course Karne Ke Kya Fayade Hai?

India govt. Oganization NIELIT (National Institute of Electronics & Information Technology) jiska purana name DOEACC (Department of Electronics and Accreditation of Computer Classes) tha. Ye bahut se computer courses run (operated) karti hai jinme se kuchh ki details maine  aapko niche di hai.

1) CCC – Ye computer basic concepts ka ek certificate course hai aur ye kisi bhi recongnised university ke 6 months CS certificate ke equivalent (barabar)hota hai. CCC kya hai? iski adhik jankari ke liye aap diye gaye link par click karke meri post phad sakte hai.

2) O Level –  Ishe hum foundation course in computer application bhi kehte hain kyonki O level course karne se aapka computer application ka foundation clear ho jata hai aur ye kisi bhi recongnised university ke CS diploma ke equivalent (barabar)hota hai.

3) A Level – Ye computer applications ka advanced diploma hota hai aur ye kisi bhi recongnised university ke PGDCA (Post Graduate Diploma in Computer Application) ke equivalent (barabar)hota hai.

4) B Level – Ye computer applications ka master’s diploma hota hai aur ye kisi bhi recongnised university ki MCA (Master in Computer Applications) degree ke equivalent hota hai.हो

5) C Level – ye kisi bhi recongnised university ki M. Tech. (Master in Technology) degree ke equivalent hota hai.

O level course advantages – Ab lagbhag sabhi govt. jobs main apply karne  ke liye aapke pass computer certificate hona jaroori ho gya hai yadi aapke pass koi government computer certificate nahi hai toh aap govt. jobs  ke liye apply nahi kar sakte.

A and B grade ki lagabhag sabhi govt. jobs main O level course jaroori hai theek isi tarah C aur D ki lagabhag sabhi govt. jobs main CCC course jaroori  hai. isliye agar aap kisi bhi govt. jobs main apply karna chahate ho to aapke paas O level coure ya CCC course ka certificate hoa jaroori hai.

O Level Course Syllabus Kya Hai?

O level course main 4 subjects hote hai aur inhee 4 subjects ke eak-eak  exam  yani 4 exam hote hain aur inhee Charon mainse practical or project aata hai. O level course main M1-R4, M2-R4 aur M3-R4 subjects compulsory hote hai.

O level course ke M4-R4 paper ke 3 papers main se sirf eak hi paper aapko dena hota hai  aur aapki apni personal choice hai ki aap kaun sa paper select karte hain baise main aapko suggest karunga ki aap M4. 2-R4 ya M4 3-R4 main se kisi eak ko select Karen kyonki ye aapko easy padenge.

M1-R4 (IT Tools and Business System) – Is subject me computer ke number system, input parts, output parts, memory parts, CPU ke work process, operating system aur microsoft office applications (word, powerpoint, excel, access) se related questions aate hai.

M2-R4 (Internet Technology and Web Design) – Is subject me internet, networking fundamentals, email use, HTML, javascript aur VB script se related questions aate hai.

M3-R4 (C Programming ) – Is subject me C language programming aati hai aur yahi subject jyadatar studens ke liye sabse hard padta hai aur  ye compulsory subject isliye iska tuition lagana  jaroori ho jata hai. M4 1-R4 (.Net Programming) – Ye subject bhi C programming ki tarah hard hota hai kyonki isme bhi .Net programming (C#) aati hai lekin ye subject choice main hota hai isliye jadatar students is subject ko select na karke M4 2-R4 ya M4 3-R4 ko select karte hai.

M4 2-R4 (Introduction to Multimedia) – Is subject me multimedia components Jaise ki colors, fonts, audio fundamentals, image fundamentals aur video aur animation (photoshop and flash) se related question aate hai.

M4 3-R4 (ICT Re) – Is subject me PC assembly, utilities applications or networking ka thoda sa advanced concepts aata hai.

O-Level-course

For More Details Click this Link – O Level Syllabus

O Level Course Ke Liye Kaise Apply (Join) Kare?

Sabse pahali bat O level course ko karne ke liye aapki education eligibility kam se kam 10+2 passed ya ITI Certificate passed (one year after class 10) hona jaroori hai aur O level course ko aap 2 tareeko se kar sakte ho pahala Direct aur doosra Institute ke  jariye.

Agar aap institute ke jariye karte hai to aapko kisi bhi cheej ki tension lene ki jaroorat nahi hai kyonki aapke O level course se related sabhikam jaise ki registration karna, exam forms fill karna, fees pay karna, admit card download karna, practical and project karna aur results ke lye aapko inform karna ye sab kam wo institute hi manage karta hai jahan aapne O level course join kiya hai.

Isliye kisi bhi institute main O level course join karte samay in sabhi  baton ko pahle clear kar lena chahiye ki wo institute in sabi kamo ko karne ke able hai ya nahi aur koi bhi institute in sabhi kamo ke  bade aapse achchhi fees (lagabhag 15000-18000 Rs/-) lete hai jo ki mere hisab se bilkul sahi hai.

Agar aapke paas institute main jakar  class  attend karne ka time nahi  hai ya aap itni fees pay nahi karna chahate ho to aap O level course ke liye direct bhi apply kar sakte ho lekin direct apply karne par aapko khud jayada mehanat karni padti hai kyonki direct process main O level se realted sbbi kam khud hi manage karne padte hai.

Isliye O level course main direct apply karne se pahale aap is sabhi baton ko pahle hi clear kar len ki aap in sabhi kamon ko self yani bina kisi ki guideline ke karne ke kabil hain ya nahi or agar aapka jawab hai han to aap sirf 3000-3500 Rs/ – kharch karke O level course complete kar sakte ho.

Ab agar aap kisi institute ke jariye O level course karne ki soch rahen ho to ab is post ko aange padhna aapke liye shayad itna important nah o lekin main aapse kahunga ki aap jankari ke liye jaroor paden aur agar aap O level course  ke lie Direct apply karna chahate ho to ye post aapko bahut jayada help karegi islye achhe se last tak paden.

O Level Course Registration Kaise Hota Hai?

O level course ko join karane ke lie aapako sabase pahale NIELIT sanstha jo is course ko run karatee hai usame raigistration karaana hota hai  aur ye registration aapko O level course ke exam month yani January or July se pahale karana hota hai. aaiye is baat ko thoda achchhe se samajhate hai actual main bat ye hai ki O level course ke sal main 2 bar exam hote hain yani january aur july me or isliye aapko in exam month se pahale apna registration karna hota hai aur fir registration ke bad hi aap exam ke liye aaply kar sakte ho.

January exam month ke registration lagabhag july se September  tak aur july exam month ke registration January se march tak yani aap serf isi time periods main NIELIT ki site par jakar registration kar sakte ho.

Is time periods ke aalawa jab bhi NIELIT ki site par jakar registration from fill karne ka try karoge wo form fill nahi hoga. Agarmain easy shabdon main kahun to aap O level  join karne  ke liye aapko sabse pahale registration karana hota hai.

Ye registration successfully karne par kuch din bad  aapka registration number aapki email par send kar diya jata hai jiski help se aap NIELIT ki site par eak account create  kar sakte ho jahan se aap exams form fill karna, admit card aur results dekhna ityadi process ko perform kar sakte ho.

O level course ka ye registration 5 years tak valid rahat hai yani 5 years tak kabi bhi aap apne account main login karke O level se related activity kar sakte ho aur sabse jaroori bat is registration ka 500 Rs/- charge lagta hai. main yahan clear kar dun ye 500 Rs/- sirf registration charge hai yani exam and practical ke liye aapko alag se pay karna hota hai.

NIELIT site par jakar kaise aap O level course online registration kar sakte hoi ski eak detail post main jandi hi publish karke aap sabke sath share karunga. Ab aayiye O level course karne ke aage process ko samjhe.

O Level Course Exam Kaisa Hota Hai?

O level course ke sal main 2 bar exms hote hai january ya july main aur aap apne O level registration ke bad inme se kisi bhi session main exam de sakte ho. O level course me 4 exams hote hai aur ye exams aap 1-1 karke, 2-2 karke ya eak sath Charon exams de sakte ho.

Jaise agar aap Charon exams ke liye eak sath apply kar dete ho to jis month (January ya july) ko aapne exam ke liye choose kiya hai us month ke second Saturday se aapke exams shuru ho jaynge yani second Saturday ko first exam fir next day, next day next exam aur isi tarah next days eak-eak exam ho jayega.

O level exams ka jis tarah ka schedule hotahai isko achchhe se samjhne ke liye aap neechee di gayi image ko dekh sakte hai. Ye image NIELIT O level course july 2017 ki examination date sheet hai.

O-level-examination-date-sheet-768x361

Aapko O level ke sare exam paper ke liye 500 Rs/- pay karne hote hai yani Charon paper ke liye total 2000 Rs/- pay karne honge aur iske aalawa jab-jab aap exam ke liye apply karenge tab-tab 100 Rs/-  exam processing fees bhi pay karni hoti hai yani agar aap 2 bar main 2-2 karke exams dete hai to aapki 100 – 100 Rs/- alag-alag exam processing  fees lagegi.

Aapka O level registration 5 years tak valid rahta hai yani aap in 5 years main kabhi bhi (January ya July) main exams de sakte ho yani jab aapki kisi exam ke teyari poori ho tab hi exam ke liye apply Karen easa koi jaroori nahi hai ki aapne last eak exam January main diya tha to ab next exam aapko july me dena hi padega.

Aapke exam date se kuch din pahal hi NIELIT site par O level admit card download karne ka notification aa jayega jis par aapke exam date, time aur address likha hoga. Aayiye ab jante hai ki O level exams kis tarah hote hai. O level course main 4exams (papers) hote hai aur har paper main 2 part hote hai.

O level paper ke part 1 me 40 questions hote hain jinhe aapko OMR sheet par solve karna hota hai aur iske lye aapko 1 hour time milta hai aur ye part 40 marks ka hota hai aur is part main paas hone ke liye kam se kam 20 marks lana jaroori hai.

O level paper ke part 2 me 60 questions hote hai jinke answer aapko white sheet par Hindi ya English main likhne hote hai aur iske liye aapko 2 hour time milta hai aur ye part 60 marks ka hota hai aur is part main pass hone ke liye kam se kam 30 marks lana jaroori hai.

Is tarah aapko har paper ke dono parts main pass hona jaroori hai aur har papers main kiye gaye sahi attempt questions ke number ke hisab se aapko grade milta hai.

CCC-grade-system

Aapko ye jankar bahut khushi hogi ki NIELIT apni site par sabhi last years ke exam papers ko upload kar deta hai jinhe aap vahan se download karke apni exam papers ki tyari kar sakte ho. O level exam papers download karne ke liye is link par click kar sakte ho.

O Level Course Practical and Viva-Voice Kaise Hota Hai?

O level ke exam papers ka result 2-3 months main aa jata hai aur jab aap O level course ke charo exam papers main successfully pass ho jate hai uske bad hi aap O level ke practical ke lye apply kar  sakte ho.

Jaise ki aapne july session main 4 exam de diye aur aap us papers main pass bhi gaye to aap January session main O level practical  dene ke liye apply kar sakte ho. O level paractical main first part 80 marks ka hota hai aur jisme aapko kuch questions ko computer par solve karna hota hai.

Iske aalawa O level practical ke second part main 20 marks  ka viva-voce bhi hota hai yani aapse oral kuch questions pooche jate hain aur is tarah 100 marks ka practical dene ke 2-3 months ke andar result aa jata hai.

For more info click this link – O Level Practical Sample Papers  

O level practical ke apply karne par aapko 300 Rs/- charge bhi pay karna padta hai yani O level ke total kharach ki bat Karen to registration chrge 500 Rs/- or 4 exam papers ke 500×4 = 2000 Rs/- aur agar apne bar me exam diye to 100×2 = 200 Rs/- exam processing fees or practical ke 300 Rs/- yani total kharch hoga 3000 Rs/-.

O Level Course Project Kaise Hota Hai?

Is bat ko lekar bahut jayada confusion hai ki O level ka project hota hai ya nai, mujhe khud ab isme confusion hai kyonki jab maine apna O level course complete kiya tha tab project banwaye jate the lekin ab mene suna hai ki shayadab project banwana band ho gya hai aur agar project banwana nad nahi hua hai to main aapko O level course project complete karne ka full process batata hu.

O level course project banana ke liye sabse pahale aapko apne liye eak guide (person) ki jaroorat padti hai jiske pas MCA ya CS field main koi badi degree ho aur us person ko aapke project perfoma par apne sign karne honge aur apne marksheet aur resume ki photocopy bhi aapke project ke sath attach karni hogi.

Iske project main aapko M3-R4 (C Programming) ke koi bhi 15 se 20 programs banakar NIELIT ke head office post karne honge.

Project accept hone jane ke bad hi aapki O level course ki marksheet aa jati hai jise aap NIELIT site se download kar sakte ho.

You May Also Like

About the Author: Aman Singh Tomar

Hello Gyanians mera naam Aman Singh Tomar hai. main Agra City me rahta hu. Main MCA ka student hu. By Profession main web developer hu. main part time blogging bhi karta hu.

13 Comments

  1. Aman bhai, mujhe o level ke liye apply karna hai, aur .net ki jagah multimedia choose karna hai, toh woh option kaha pe milega?
    online ragistration form mai toh aisa koi option dikhai nahi diya…
    help me bhai!

  2. Ji Aman bhai mene ragistration kar liya hai,aur mere pass application number, demand note number ye sab details hai, mene direct apply kiya hai, aur har cheez ka print bhi save kar liya hai, lekin profile banane ke liye ragistration number mang raha hai,jabki mujhe bass application number mila hai…
    aur bhai exams form kab tak nikal jayege july examination ke liye,thodi si information uske regarding bhi provide kar deejiye..

Leave a Reply

Your email address will not be published. Required fields are marked *