gyaniansinfo@gmail.com
Follow on

Gmail ID Kaise Banate Hai – Create Gmail Account

Hello Gyanians, Aaj ham bat karenge ki email account kya hota hai or Gmail Id Kaise Banate Hai Aaj ke samay me Roti, Kapda, Makan or email id ki sabko jaroorat hai, Ab aap soch rahe hai email id…! Ge haan email id hona bhi aaj ke samay me utna hi jaroori hai jitna ki machhalee Ko jeene ke liye pani ki jaroorat hai.

Bina email id ke is digital duniya me apki koi pahachan nahi hai. Aaj agr kisi school, collage me admission lena ho, Govt. Ya private jobs keliye form fill karna ho, Bank account open karna ho, Rail ki online ticket book karni hoy a sabse jaroori bat internet par kahi bhi aasani se access karna ho to aapke pass email id hona bahut jaroori hai.

Agr app janana chahate hai, ki Gmail Id Kaise Banate Hai to aap hamari yah post Gmail Id Kaise Banate Hai padte rahiye, or aaj aap seekh jayenge ki gmail is kaise banate hai.

Email Account Or Email ID Kay Hoti Hai?

Saral bhasha me samgha jaye to email account aapka ghar hai email id aapke ghar ka address. Jab kisi ko aapke ghar (email account) par kuch bhejna hota hai to use aapke ghar ka address (email id) ki jaroorat hoti hai or jese ghar banane ke bad aapko gharka address milta hai thik isi tarah se email account banana ke bad hi aapko email id milti hai.

Internet par esi bahut si websites hai jo aapko email account create karne par email id provide karti hai jaise gmail, yahoo mail, hotmail, radiff mail ityadi.

Agr aap bhi apna email account banana chahate hai to in me se kisi bhi website par jakar apko ek form fill karna hoga or uske bad aapko email account mil jayega .Ham is post me yah sekhenge ki gmail par account keaise banaye.

Gmail (Google Mail) Kya Hai?

Ye Google company ki free web based email service hai jiski starting google ne April 1, 2004 me ki thi. Gmail par aap apna email account create karke apni email id bana sakte ho.

Apne account or email ke jariye mail receive or send karte hai. Iske alava isi account se aap google ke others product Drive, YouTube, Google+, Blogger, Map, AdSense, PlayStore ityadi par bhi login kar sakte ho.

Gmail ID Kaise Banate Hai?

1)Sabse pahle apne browser ke address bar me type kariye www.gmail.com

2) Aab aapke samne ye login from ayega aapko uske neeche diye Create Account link par click karna hai.

gmail-sign-up

3) Aab apke samane account create karne ka form khul kar aayega. Aap inme apni sahi-sahi details fill kar deejiye, Agar aapko in details me koi confusion hai to unki details mene form ke neeche di hai.

gmail-create-account-form

Name – Isme aapko 2 text field diye gaye hai pahla aapke first name (Ex. Aman) ke liye doosra aapke surname (Ex. Tomar) keliye or email id aap kisi bhi nam se bna sakte hai lekin hamesha apna document name hi use karna chahiye. 

Username – Email ID ke 2 parts hote hai ek @ symbol se pahle wala jise ham username kahte hai or doosra domain name. Aapko is field me aapko apne liye ek unique username type karna hoga or uske liye aap sirf numbers (0-9), letters (a-z) or periods (.) ka use kar sakte hai.

Password Or Confirm Password – In dono field me aapko same password type karna hai or aapke password ki length 8 characters se jyada honi chahiye or esa password na rakhe jise aapke jan pahchan wale aasani se guess kar sake jese apna naam,  Apna mobile number ityadi.

Birthday – Aab aap ko apni date of birth type karni hai. Sabse pahale aapko month select kare fir date or for year type karni hai. Gmail account create karne ke liye age kam se kam 13 year honi chahiye isse kam hone par gmail aapka account create nahi karega.

Mobile No. –Is field me aap apne pass mojood active mobile no. hi type kare kyonki bad me gmail aap koi si number par ek OTP (one time password) send karega or ye hi mobile no. aapke account me security purpose se kam ayega jese agr aap password bhool jao to use recover karne ke liye ya 2nd step verification on karne ke liye.

Current Email Address –Agr aapke pass pahle se koi email account hai to use aap yhan type kar sakte hai. Ye bhi ek type ka security feature hai. Agr aapne mobile no. type kiya to ye jaroori nahi hai isse aap khali chhood sakte hai.

Location – Yahan country select karte hai bese gmail apne  aap aapki country select kar deta hai.

 

4) Agr aapne form ko sahi information ke sath fill kar diya hai to Next step button par click kar deejiye. Button par click karte hi aapke samne google ki Privacy and Terms khul kar aayege uske neeche scorl kar ke I AGREE button par click kar de.

5) Aab aap next page par aajate hai jahan aapko mobile no. dal kar use verify karana hai. Yahan bhi vahi mobile no. type kare jo aapne form fill karte waqt kiya tha. Google is number par verification code send karega. Aab aap continue button par click kar de.

6) Aab aap next page par aagye honge jahan aapko mobile no. par aye verification code ko dalna hai. Code type karne ke bad continue button par click kar de.

gmail-otp

7) Congratulation! Aapka account successfully create ho gya hai or aap Gmail Id Kaise Banate Hai? Yah jangye hai ab aapke samne ek welcome page khulega aab aap continue button par click karke gmail ke dashboard par ja sakte hai.

create-gmail-account

8) Ab aap jo neeche image dekh rahe hai ye gmail ka dashboard hai. Jha se aap mail send, receive or other gmail settings kar sakte ho.

gmail7-768x319

Gmail Me Sign In Or Sign Out Kaise Karen?

Sign In – Sabse pahle apne browser ke address bar me www.gmail.com type kariye aapko neeche dikhayi de rha form najara ayega uske pahle aap apna email id (username) type kariye fir next button par clic karke apna password type kariye or fir Sign in button par click kar deejiye or aap successfully sign in ho jayenge.

gmail-password

gmail-email-id

Sign Out – Gmail ke dashboard ke right top corner par aapko ek profile pic ya character najar aa rha hoga us par click kariye or fir Sign Out par click kariye or aap successfully sign out ho jayenge. Is tarah se aap Gmail Id Kaise Banate Hai?  Or Gmail id kaise Sign Out or Sign In kaise karte hai jan chuke hai.

gmail-sign-out

Hello Gyanians, main aasha karta hu ki aapko ye (Gmail Id Kaise Banate Hai) post pasand aayi hogi. Agr aapko is post se related koi saval ya sughav dena hai to neeche comment karen or is post ko apne doston ke sath jaroor share Karen taki apke dost bhi yah seekh paye ki Gmail Id Kaise Banate Hai.

About the Author

Hello Gyanians mera naam Aman Singh Tomar hai. main Agra City me rahta hu. Main MCA ka student hu. By Profession main web developer hu. main part time blogging bhi karta hu. Read More >>

0 Comments

Leave a Reply

Your email address will not be published. Required fields are marked *

Get In Touch
gyanianskagyan@gmail.com
Copyright 2018 By Gyanians (All Right Reserved) | Design & Developed By WebAtoZ.in