gyaniansinfo@gmail.com
Follow on

CCC Exam Form Online Registration Kaise Karte Hai?

CCC kya haiHello Gyanians, Aaj hum seekhenge ki CCC Exam Form Online Registration Kaise Karte Hai yani kaise aap CCC exam ke liye online form kaise fill-up kar sakte  ho or kaise CCC course online registration karne ke bad uska online payment kar  sakte ho.

Mene apni last post me aapke sath CCC Course Syllabus, Fees, Exam ki poori details share ki thi mujhe ummeed hai aapne meri wo post jaroor padhi hogi agar aapni nahi padhi hai to diye link par click karke jaroor padh le jisse aapko CCC course ki poori jankari mil jaye.

Jaisa ki aap jante hi hai ki ab lagabhag sabhi govt. jobs me computer certificate hona jaroori ho gya hai yani apar aapke paas koi computer certificate nahi hai to aap govt. jobs ke liye aaply hi nahi kar sakte ho isliye ab har students CCC certificate course jaroor karta hai.

Iske aalawa is course ko karne se aapka computr ka basic concepts bahut achchhi tarah se clear ho jata hai jaise ki computer ko kaise operate karte hai, Microsoft office applications se office works kaise karte hai or internet & multimedia kaisse use kartte hai.

Isliye agar aap bhi computer knowledge ke sath-sath ek govt. jobs me help Karen to aapko CCC Exam Form Online Registration Kaise Karte Hai? jaroor aana chahiye.

 

 

CCC Exam Form Online Registration Kaise Karte Hai?

CCC course ko 2 tareeko se kar sakte ho pahla institute ke jariye or doosra Direct. First method me aapke CCC course se related sabhi works wo institute he manage karta hai jhan aapne CCC course join kiya hai.

Direct method mai aapko sab kuch manage karna hota hai yani aapko ye aana bahut jaroori hai ki khud se CCC Exam Form Online Registration Kaise Karte Hai? Online form me aapko hi sabkuch manage karna hota hai yanee aapko hi khud se CCC exam form online registration karna hoga or online payment method ke jariye 590 Rs/- CCC exam fees pay karni hogi.

CCC exam form online registration karna bahut hi aasan hai kyonki iske liye aapko apni personal, address, Identification details or payment karne ke liye online banking ya debit card (ATM card) ki  jaroorat hoti hai.

Identification details main sabse pahale aapko aadhar card number ki jaroorat hoti hai or iske aalawa aapko apne passport size photo, left hand thumb impression, signature ki scan copy (soft copy) ki jaroorat padhegi

Isliye aap pahle se he in teeno cheejon ko alag-alag scan kar le or ye yad rakhen ke in sabhi alag-alag file ka size 50KB-50KB se jyada na ho.

CCC-Identification-Details

Iske aalawa ek bat or aapka janana jaroori hai ki aap jis month me CCC exam form online registration karoge aapka exam us month ke bad bale 2nd month me hoga yani agar aap July me CCC exam form fill-up karte ho to aapka CCC exam September me hoga.

CCC exam form online registration ki pre requirement jan ke bad ab is post ko aage badhate hai.

CCC Exam Form Online Registration Kaise Karte Hai?

Step 1: Sabse pahale aap NIELIT ki site ko open kar len aur fir right side main mojood Apply Online button par click kariye.

NIELIT-site-sidebar

Step 2: Ab aapke samne NIELIT ke bahut se course show honge. Aapko IT literacyprogramme main Course on Computer Concepts (CCC) par click karna hai.

NIELIT-CCC-Course

Step 3: Ab aapke samne Step By Step Instructions For Filling CCC Examination Form ki PDF guide aayegi or uske neeche Declaration checkbox show hoga jis par click karke aapko I Agree & Proceed button par click karna hai.

NIELIT-course-guideline-768x170

Step 4: Ab aapke samne CCC Examination Application Form show hoga jise aapko bahut hi savdhanipoorvak fill karna hai or isliye mene  is form ke sections me divide kar diya hai or har sections ko kaise fill karna hai ye details main bataya hai.

Section 1 Registration details me No par he select rahne de. Section 2 Applicant’s Personal Details main sabse pahle apna gender (Mr./Ms.) select karne or fir  apna name, parents name, date of birth, category or occupation enter kare.

CCC-Examination-Application-Form-1-2-768x343

Section 3 Contact details main apna mobile number or email ed enter Karen. Section 4 Address Details main aap apna local address, city, state, district or pin code enter karen.

CCC-Examination-Application-Form-3-4-768x287

Section 5 Educational details में आप अपनी highest educational qualification select करें और फिर year of passing enter करें. Section 6 Examination details main direct par select rahane den or fir exam cycle select karke exam month select karen.

Ab aapko do examination location select karni hai or iske liye aap examination location 1 main apna state select karne or fir apni city iske bad examination location 2 main apna state select Karen or fir apni city se sabse paas wali doosri city select Karen.CCC-Examination-Application-Form-5-6-768x175

Section 7 Identification Details main aapko sabse pahle apna aadhar card number enter karna hai or fir apni passport size photo, signature or left hand thumb impression ki soft copy ko ek-ek  karke upload karna hai or fir last main captcha number ko enter karna hai.

CCC-Examination-Application-Form-7-768x313

Section 8 Declaration main aapko checkbox ko select (tick) karna hai or fir last main ek bar poore form ko dekhkar ki sab kuch sahi ya nahi submit button par click karna hai.

CCC-Examination-Application-Form-8-768x216

Step 5: Ab aapke samne aapka poora CCC examination application form show hoga jise ek bar se review karke aapko sabse neeche diye Final Submit button par click karna hai.

CCC-Examination-Application-Form-final-submit-768x109

Step 6: Ab aapke samne CCC examination application ki payment details show hongi jhan aapko Online payment option select karna hai or fir Pay Online link par click karna hai.

ccc-Online-application-payment-details

Step 7: Ab aapke sam Debit Card ki information fill karke online payment process ko poora kar den. Payment hote hi aapke samne CCC online payment response page show hoga jispar aapki payment details show hongi yani aapka CCC course exam online registration poora ho gya.

ccc-Online-Payment-Response-768x449

What Next:  CCC Exam Form Online Registration Kaise Karte Hai? seekhne ke bad aap CCC ki books laa kar self study Karen or exam month se kuch din (3-4) pahle NIELIT par visit karke apna CCC exam admit card download kar len. CCC Admit card par exam date & time or exam center address mil jayega.

Hello Gyanians, main aasha karta hu ki aapko ye CCC Exam Form Online Registration Kaise Karte Hai post pasand aayi hogi. Agr aapko is post se related koi saval ya sughav dena hai to neeche comment karen or is post ko apne doston ke sath jaroor share karen taki apke dost bhi yah seekh paye ki CCC Exam Form Online Registration Kaise Karte Hai

About the Author

Hello Gyanians mera naam Aman Singh Tomar hai. main Agra City me rahta hu. Main MCA ka student hu. By Profession main web developer hu. main part time blogging bhi karta hu. Read More >>

2 Comments

2 responses to “CCC Exam Form Online Registration Kaise Karte Hai?”

  1. thanks keep & keep visiting

Leave a Reply

Your email address will not be published. Required fields are marked *

Get In Touch
gyanianskagyan@gmail.com
Copyright 2018 By Gyanians (All Right Reserved) | Design & Developed By WebAtoZ.in