CCC Computer Course Kya Hai – CCC Ki Puri Jankari Hindi Me

CCC kya haiHello Gyanians, Aaj main aapko bataunga ki CCC (Course on Computer Concept) ki puri jankari hindi me jaise ki CCC kya hai, CCC karne ke fayade hai, CCC karne ka kya process hai, CCC syllabus, CCC karne ki Eligibilty kya hai.

CCC ki full form hoti hai Course on Computer Concepts yaani ye ek aisa computer course hai jise karne (seekhane) se aapka computer ka basic concept bilkul clear ho jayega aur aapko computer ki basic applications ko use karna aa jayega.CCC ek govt. certified computer course hai jisse ek govt. sanstha NIELIT (National Institute of Electronics & Information Technology) ke dwara sanchalit (run) kiya jaata hai.

Maine bahut se students ko dekha hai jinhe NIELIT CCC aur DOEACC CCC ko lekar bahut confusion hota hai isliye main yeh aapko bata du ki NIELIT ka hi purana naam DOEACC (Department of Electronics and Accreditation of Computer Classes) tha isliye ye dono same hi hota hai.

CCC Karne Ke Kya Fayade Hai?

CCC ka sabse pehla aur sabse important ye fayada ki is course ko karne ke baad aapka computer basic bahut jyada clear ho jaata hai jaise ki computer ko kaise operate karna hai, uski history kya hai, Microsoft office applications ko use karna, internet ke bare me aapko sari jankari mil jayegi.

Iske alawa ab lagbhag sabhi govt. jobs ki qualification me computer certificate hona jaruri ho gya hai yaani agar aapke pass koi computer certificate nahi hai to aap govt. jobs ke liye apply bhi nhi kar skte ho. Agar aap kisi govt. jobs ke liye apply karna chahte ho to aapke pass govt. certified computer certificate, diploma ya degree honi chaiye aur isliye jyadatar log CCC course karte hai.

 

 

CCC Karne Ka Process Kya Hai?

CCC ko aap 2 tariko se kar sakte ho. First method hai ki aap iski website par direct CCC exam ke liye online apply kar den. Is method me aapko sirf 590 Rs/- online pay karne hote hai aur self study karke online exam dena hota hai.

Second method ki aap kisi NIELIT certified computer institute par jakar isko join kar skte hai lekin wahan aapko  590 Rs/- CCC exam fee ke alawa tuition fee bhi deni hogi kyonki institute me apako CCC course ko sikhaya jayega.

Dono me se kisi bhi method se jab aap iske ke liye apply karenge to aapka sbse pehle ye select karna hota hai ki aap kis month me aur kis city me exam dena chahte ho. CCC exam jyadatar har month ki 10 tarikh se pehle ho jata hai.

Aapka exam jis date ko hoga use kuch din pehle hi aapki email id par admit card download karne ka notification aa jata hai aur usi admit card me exam date & time, exam center ityadi information hoti hain.

Exam hone ke 1 month baad aapka result aa jata hai jise aap iski website par check kar skte ho aur fir 1 month baad aapka iska certificate bhi aa jata hai jise aap iski website se download kar skte ho.

 

CCC Online Exam Kaisa Hota Hai?

CCC online exam ka admit card lekar jab aap exam center jayenge to wahan aapko ek computer par CCC online exam portal par aapke roll no se login karke de dia jata hai. CCC online exam me 100 multiple choice questions aate hai.

Un 100 questions me se aapko pass hone ke liye kam se kam 50 questions ko sahi attempt karna hota hai. CCC exam ke result aur certificate par aapki sahi attempt kiye huye questions ke number ke hissab se Grade milti hai.

CCC grade system

CCC Syllabus Kya Hai?

Agar aapko computer ki bilkul bhi knowledge nhi hai to aapke liye CCC course bahut hi fayademand ho sakta hai kyonki CCC syllabus ek fresher ko dhyaan me rakhkar hi banaya gya hai.

Agar aap CCC exam ke liye direct apply karte hai to aap CCC syllabus ki book market se buy kar skte hai jisme theory ke sath-sath exam papers bhi diye jaate hai aur agr aap institute se CCC karte hai to ho skta hai ki institute aapko CCC notes provide Karen.

CCC syllabus me kya-kya aata hai ye aap niche dekh skte ho aur inhi sabhi topics me 100 multiple choice questions aate hain.

  • Introduction to Computer
  • Introduction to GUI Operating System
  • Microsoft Office Word
  • Microsoft Office Excel
  • Microsoft Office PowerPoint
  • Computer Communication and Internet
  • Basic Finance Terms

 

Hello Gyanians, aasha karta hu ki aapko ye CCC Computer Course Kya Hai post pasand aai hogi. Agar aapko is post se related koi sawal ya suggestion hai to niche comment kare aur is post ki apne doston ke sath jarur share kare.

You May Also Like

About the Author: Yash Chauhan

Hello Gyanians, Mera naam Yash Chauhan hai aur main city of Taj (Agra ) me rehata hu.Main computer science ka student hoon. Main Web developer hu aur ishi ke sath sath blogging bhi kar leta hoon.

34 Comments

  1. hello sir! i ask this question …? kya 3 c ka exam punjab ke kisi center me avilable hai….or yh kitne durations ka course hai???

  2. Sir ji maine 2year Diploma Modern office management & secretarial practice And Electrical Iti se Ncvt kiya hai kya Mujhe Ccc course karna padega? Mere pass Private Adca ,Dtp&pdfa bhi hai .

  3. Sir Mene B.com graduation ho ghaya h
    Muje Corce karna h
    but sir best consa h wo pata nai
    CCC or CCC+
    To inmese konsa karna chahiye sir batao
    Or CCC+ kya h

Leave a Reply

Your email address will not be published. Required fields are marked *